مرام مسك · كتابة · سكربتات · تصوير · إعلانات
كاتبة محتوى ومديرة إعلانات ومصوّرة ريلز لمحلّك بعمّان خلّي محتواك يحكي عنك.
أنا مرام مسك، فريلانسر من عمّان. بكتب محتواك وسكربتات ريلزك، وبصوّر بمحلّك بالأردن، وبدير إعلانك على فيسبوك وإنستغرام بس. شخص واحد من الفكرة للإعلان.
برد بنفسي خلال 24 ساعة
بالمحتوى والتسويق من2017
زبون+100
شغل حقيقي، بأسمائه وأرقامه
كتابة وتصوير وسكربتات وحملات إعلانية، لقطاعات مختلفة: صالونات وفساتين وتعليم وتغذية ومطاعم وسبا.
شوف المنشور على إنستغرامتصوير · Rana Haider Beauty · صالونات 
شوف المنشور على إنستغرامتصوير · Mira Dresses · فساتين 
شوف المنشور على إنستغرامتصوير · Hanadi Dresses · فساتين 
شوف المنشور على إنستغرامسكربت · Triple Trouble · وكالة تسويق 
شوف المنشور على إنستغرامكتابة · ميس (dietmaismisk) · تغذية 
شوف المنشور على إنستغرامكتابة · confide200 · تعليم (إنجليزي) 
شوف المنشور على إنستغرامكتابة · دجاج بصبوص · دواجن 
شوف المنشور على إنستغرامكتابة · مطعم بجرش · مطاعم 2.5K محادثة
0.31$ للمحادثة
تعليم (إنجليزي)
كبّر الصورة1.1K محادثة
0.17$ للمحادثة
تعليم (إنجليزي)
كبّر الصورة3K محادثة
0.47$ للمحادثة
سبا
كبّر الصورة183,880 وصول
0.11$ لكل 1000
ملابس
كبّر الصورة
شو بيقولوا اللي اشتغلت معهم
مرام صاحبة العقل المدبر وأفضل إنسانة ممكن تحققلكم مبيعات، وعارفة كيف تستهدف الجمهور صح. غير إنه الشغل معها كله بروفيشينال، ملكة التمويل.
@malakalmasri8معلّمة إنجليزيالعالم انجننت… بطل يلحق التلفون. شكراً من قلبي.
confide200كورس إنجليزي، بعد حملة رسائلتلات خدمات، وبتاخد اللي بيلزمك بس
الكتابة والإعلانات كل وحدة لحالها، والتصوير مع خطة المحتوى. والباقات اختيارية.
كتابة المحتوى
خطة محتوى شهرية: 15 فكرة يوم بعد يوم (منها 10 ريلز بسكربتها و5 كاروسيل)، على استراتيجية لفئتك.
200 دينار بالشهر
الإعلانات الممولة
حملات فيسبوك وإنستغرام: بدرس جمهورك، وبحط الاستراتيجية، وبجرّب، وبحسّن على الأرقام.
200 دينار بالشهر · ميزانية الإعلان لحالها
تصوير الريلز
ريلز بالكاميرا أو بالموبايل، وريلات UGC، بمحلّك بالأردن، على خطة المحتوى: التصوير ما بينطلب لحاله.
حسب عدد الريلز · ريل UGC بـ40 دينار
بسلّمك شغلك جاهز. نشر المحتوى والستوريز، وإدارة الـInbox والرد على الرسائل، مش ضمن أي خدمة.
شركة تسويق ولا شخص واحد لمحلّك؟
أنا كاتبة محتوى، بالمحتوى والتسويق من 2017 وبالإعلانات الممولة من 2020. لمحل صغير، شخص واحد بيكتب وبيصوّر وبيدير الإعلان أوفر وأسرع: بتحكي مع اللي بينفّذ مباشرة، ونفس الفكرة بتوصل من الخطة للإعلان.
ولما بدك فريق لمنصات كتير، الوكالة أنسب.
| معي | الوكالة | |
|---|---|---|
| مع مين بتحكي | أنا نفسي، من أول رسالة | فريق، وكلامك بيوصله عن طريق وسيط |
| الفكرة | نفس الفكرة من الخطة للريل للإعلان | بتمر على كاتب ومصوّر ومدير إعلانات |
| المنصات | فيسبوك وإنستغرام بس، بلا تيك توك ولا Google | منصات أكتر |
| لمين أنسب | صالون، محل فساتين، متجر أو مطعم بدّه حدا واحد للمحتوى والإعلان | براند بدّه فريق كامل لكذا منصة سوا |
من أول رسالة لخطة الشهر
الاجتماع التعريفي
ابعتلي على واتساب، وبنقعد سوا لأفهم لوين بدك توصل ومين فئتك المستهدفة.
تحليل الوضع الحالي
براجع حساباتك وحسابات منافسينك، وبشوف شو ناقصك.
بناء الاستراتيجية
بحط أفكار المحتوى اللي بتجيب فئتك المستهدفة.
خطة المحتوى الشهرية
بتوصلك خلال 7–10 أيام عمل، وإذا معها تصوير بنحدد يومه. إلك 48 ساعة تراجع، وبعدها 2–3 جولات تعديل لكل قطعة.
بدك أكتر من خدمة كل شهر؟
تلات باقات شهرية، اختيارية فوق الخدمات.
محتوى وإعلانات
350 دينار
الخطة الشهرية، وإدارة الإعلانات. لمتجر بدّه طلبات.
محتوى وتصوير
500 دينار
نفس الخطة، و10 ريلات موبايل، وتصميم 5 بوستات. لصالون أو محل فساتين بدّه شغله يبيّن.
الكاملة
700 دينار
محتوى وتصوير وإعلانات: نفس الخطة، و10 ريلات موبايل، وتصميم 5 بوستات، وإدارة الإعلانات. بالكاميرا أو ريلز أكتر، السعر حسب العدد. إذا بدك كل شي بإيد وحدة.
ميزانية الإعلان لحالها، بتدفعها إنت للمنصة مباشرة
من أي بلد، وللوكالات كمان
براند من أي بلد
بكتبلك المحتوى بالفصحى السهلة أو بالإنجليزي، وبدير إعلاناتك، والشغل كله أونلاين. نفس السعر بالدينار، وبتدفعه بالدولار عن طريق PayPal. التصوير بالأردن بس.
أسئلة بتوصلني كتير
شو بتشمل كل خدمة؟
كتابة المحتوى: خطة شهرية فيها 15 فكرة، منها 10 ريلز بسكربتها و5 كاروسيل. الإعلانات الممولة: حملات فيسبوك وإنستغرام من دراسة الجمهور للتحسين على الأرقام. تصوير الريلز: ريلز بالكاميرا أو بالموبايل وريلات UGC بمحلّك بالأردن.
كيف بدفع؟
نص المبلغ قبل ما أبلّش، والنص التاني بعد 14 يوم من الدفعة الأولى. بالأردن CliQ أو كاش، ومن أي بلد تاني PayPal.
كم بتاخد الخطة، وكيف المراجعة؟
خطة المحتوى بتاخد من 7 لـ10 أيام عمل. بعدها إلك 48 ساعة تراجع، وبعدها 2–3 جولات تعديل لكل قطعة.
بتديري صفحاتي كاملة وبتردي على الرسائل؟
لأ. إدارة صفحات السوشيال كاملة مش من خدماتي: نشر المحتوى والستوريز، وإدارة الـInbox والرد على رسائل الزباين، مش ضمن أي خدمة. بسلّمك شغلك جاهز تنزّله. وميزانية الإعلان لحالها، بتدفعها إنت للمنصة مباشرة.
بتشتغلي مع حدا من بلد تاني؟
آه، الكتابة وإدارة الإعلانات أونلاين، بالفصحى السهلة أو بالإنجليزي. التصوير بالأردن بس.
بتصوّري برّا عمّان؟
بصوّر بكل الأردن. التصوير برّا عمّان إله إضافة على السعر، وبنتفق عليها قبل التصوير.
بتشتغلي على تيك توك أو Google؟
لأ. بشتغل على فيسبوك وإنستغرام بس: لا محتوى ولا إعلانات على تيك توك أو Google أو سناب شات. حملات فيسبوك وإنستغرام بديرها من مدير إعلانات Meta.
بقدر آخد خدمة وحدة، أو تصوير لحاله؟
الكتابة أو الإعلانات آه، كل وحدة لحالها بسعرها، والباقات اختيارية. التصوير لأ: بس مع خطة المحتوى، لأني بصوّر على الخطة.
نصايح لصاحب المحل
ليش ما في حدا بيتفاعل مع منشورات محلّك، وكيف بتزيد التفاعل مع صفحتك على الفيسبوك؟
بتنشر على صفحة محلّك وما حدا بيتفاعل؟ 3 أسباب بإيدك، وأرقام التفاعل الطبيعي على فيسبوك، والفرق بين خطة شهر وبوستات متفرقة.
أفكار ريلز لصالونات التجميل ومحلات الفساتين: شو تصوّر هالأسبوع، وبأي جملة تبلّش؟
أفكار ريلز لصالونك أو محل الفساتين، كل وحدة معها جملة الافتتاحية اللي بتوقّف التمرير، وكيف تصوّرها بالموبايل.
سعر كتابة محتوى سوشيال ميديا بالأردن: قديش بتكلّف البوستات والريلز والإعلانات؟
قديش بتكلّف كتابة البوستات وسكربت الريل وإدارة الإعلان بالأردن؟ الأسعار من المنصات للوكالات، وشو بيرفع السعر، وشو تسأل قبل ما تدفع.